Një grua e fortë dashuron, fal, largohet, e lë të shkojë dhe e mban vendimin e saj”, kështu thotë një shprehje e huaj. Një ndarje është një përvojë traumatike, por një “femër alfa” e trajton një marrëdhënie të dështuar pak më ndryshe.
Le të fillojmë me “momentin e së vërtetës”. Ju vendosni se marrëdhënia nuk po funksionon dhe ndaheni me të. Ajo e kupton që ju nuk jeni një zgjedhje e mirë dhe zgjedh t’i përfundojë gjërat me ju. Prisni që të mërzitet? Mendoni se do t’i thyhet zemra? Po, është e vërtetë, por për një grua të fortë, këto ndjenja zgjasin vetëm pak.
Marrëdhënia që keni pasur, megjithëse mund të ketë qenë e veçantë, është ende vetëm një marrëdhënie. Ajo nuk do të lejojë asnjë ngjarje të veçantë të përcaktojë se kush është ajo ose të diktojë se si duhet të ndihet.
Gratë e forta e pranojnë ndarjen me qetësi dhe hijeshi, më pas rimëkëmben pa shikuar prapa. A do të ketë pengesa gjatë rrugës? Sigurisht, do të ketë. Ajo mund të shikojë një foto të vjetër, t’i vijnë në mend disa kujtime të përzemërta dhe të dëshirojë që gjërat të kenë shkuar ndryshe. Megjithatë, ajo kurrë nuk do t’ju lutet të qëndroni!
